Ֆուտբոլի աշխարհի առաջնության անդրանիկ տուրում Խորվաթիայի ընտրանին ուժերը չափեց Նիգերիայի ընտրանու հետ:

 

Ֆավորիտի կարգավիճակով հանդես եկող խորվաթ ֆուտբոլիստները թեեւ առաջին խաղակեսում չկարողացան գոլ խփել, սակայն ընդմիջման գնացին մեկ գնդակի առավելությամբ: Բանն այն է, որ խաղի 32-րդ րոպեին անկյունայինի խաղարկոիմից հետո նիգերիացիների կիսապաշտպան Էտեբոն ակամայից դարձավ ինքնագոլի հեղինակ:

 

Երկրորդ խաղակեսում Աֆրիկայի «սուպերարծիվներն» ավելի հաճախակի սկսեցին հարվածներ հասցնել մրցակցի դարպասին, սակայն դրանք լուրջ խնդիրներ չստեղծեցին խորվաթների դարպասապահ Դանիել Շուբաշիչի համար: Իսկ ահա 71-րդ րոպեին նիգերիացիները հերթական գոլը «սարքեցին» սեփական դարպասում: Անկյունայինի խաղարկման ժամանակ աֆրիկացիների պաշտպան Տրոստ-Էկոնգը սեփական տուգանայինում վայր գցեց Մարիո Մանջուկիչին, իսկ Լուկա Մոդրիչը քիչ անց վստահ իրացրեց 11 մ հարվածը՝ 2:0: Մնացած ժամանակում ավելին անել թիմերին չհաջողվեց:

 

Խորվաթիայի հավաքականը հունիսի 21-ին կհանդիպի Արգենտինայի ընտրանու հետ, իսկ նիգերիացիները հունիսի 22-ին կխաղան առաջնության նորեկ Իսլանդիայի հետ:


Comments (0)

Rated 0 out of 5 based on 0 voters
There are no comments posted here yet

Leave your comments

  1. Posting comment as a guest. Sign up or login to your account.
Rate this post:
Attachments (0 / 3)
Share Your Location
Type the text presented in the image below

TO TOP