Անգլիայի պրեմիեր լիգայի առաջնության 2-րդ տուրում կայացած «Չելսի» - «Արսենալ» լոնդոնյան դերբին վերածվեց իսկական գոլային հրավառության:

 

Հանդիպման արդեն 9-րդ րոպեին տանտերերի իսպանացի կիսապաշտպան Պեդրոն բացեց խաղի հաշիվը, իսկ 11 րոպե անց նրա հայրենակից Ալվարո Մորատան կրկնապատկեց այն: Սակայն առաջին խաղակեսի 37-րդ րոպեին Հենրիխ Մխիթարյանը ընթացքից կատարած դիպուկ հարվածով խփեց առաջին պատասխան գոլը, իսկ չորս րոպե անց նրա փոխանցումից հետո տանտերերի դարպասը գրավեց նիգերիացի Ալեքս Իվոբին՝ 2:2:

 

Երկրորդ խաղակեսում գոլ խփելու վարպետությամբ աչքի ընկավ տանտերերի երրորդ իսպանացի խաղացողը՝ պաշտպան Մարկոս Ալոնսոն, որը հյուրերի դարպասը գրավեց 81-րդ րոպեին: Այդ գնդակի հաշվին «Չելսին» հաղթեց 3:2 հաշվով և վաստակած միավորներով (6) հավասարվեց արդեն երկուական հաղթանակ ունեցող «Տոտենհեմին» ու «Բորնմութին»:

 

«Արսենալը» երկրորդ անընդմեջ պարտությունը կրեց առաջնությունում և նահանջեց 17-րդ հորիզոնական: Հենրիխ Մխիթարյանը մասնակցեց ամբողջ խաղին:

 

Այսօր կայացած մյուս հանդիպումներում գրանցվեցին այսպիսի արդյունքներ.

«Կարդիֆ» - «Նյուքասլ»՝ 0:0

«Վեսթ Հեմ» - «Բոռնմութ»՝ 1:2

«Լեսթեր» - «Վուլվերհեմփթոն»՝ 2:0

«Տոտենհեմ» - «Ֆուլհեմ»՝ 3:1

«Էվերտոն» - «Սաութհեմփթոն»՝ 2:1


Comments (0)

Rated 0 out of 5 based on 0 voters
There are no comments posted here yet

Leave your comments

  1. Posting comment as a guest. Sign up or login to your account.
Rate this post:
Attachments (0 / 3)
Share Your Location
Type the text presented in the image below

TO TOP