Պորտուգալիայի ֆուտբոլիստներն այսօր աշխարհի առաջնության 2-րդ տուրի խաղում 1:0 հաշվով առավելության հասան Մարոկոյի ընտրանու նկատմամբ:

 

Մոսկվայի «Լուժնիկի» մարզադաշտ եկած 81 հազար հանդիսականներն արդեն 4-րդ րոպեին դարձան գեղեցիկ գոլի ականատես: Ազատ հաչվածի ժամանակ պորտուգալացիների ավագ Քրիշտիանու Ռոնալդուն առաջինը արձագանքեց օդային փոխնացմանը եւ գլխի հուժկու հարվածով գնդակը մխրճեց դարպասի վերին անկյունը:

 

Հետագայում հաշիվը կրկնապատկելու լավ հնարավորություն ունեցան նույն Ռոնալդուն եւ Գեդեշը, սակայն առաջինի տուգանային վտանգավոր հարվածը հետ մղեց մարոկացիների կազմած կենդանի պատը, իսկ Գեդեշի մոտիկից կատարած հարվածը ձախ ձեռքով հետ մղեց դարպասապահ Մունիրը:

 

Երկրորդ խաղակեսում ավելի շատ գոլ խփելու հնարավորություն ունեին Մարոկոյի ֆուտբոլիստները, սակայն Յունես Բելխանդայի վտանգավոր հարվածը հետ մղեց դարպասապահ Պատրիսիուն, Հակիմ Զիեշի հարվածը իր վրա ընդունեց մրցակցի պաշտպաններից մեկը, իսկ ահա Մեհդի Բենատիան երկու գոլային դրվագում պարզապես բարձր հարվածեց:

 

Պորտուգալիայի հավաքականը վաստակելով 4 միավոր, սկսեց գլխավորել B խմբի աղյուսակը, իսկ ահա Մարոկոյի ընտրանին կրեց երկրորդ անընդմեջ պարտությունը եւ վերջնականապես կորցրեց փլեյ-օֆֆ մտնելու հնարավորությունը:


Comments (0)

Rated 0 out of 5 based on 0 voters
There are no comments posted here yet

Leave your comments

  1. Posting comment as a guest. Sign up or login to your account.
Rate this post:
Attachments (0 / 3)
Share Your Location
Type the text presented in the image below

TO TOP